Цᴂгат Кавказы хъᴂууон хᴂдзарадон куыствᴂткон колледжы ацыд фᴂсивᴂды ᴂмᴂ сывᴂллᴂтты национ театрты муниципалон фестиваль "Амыраны рухс"
Цᴂгат Кавказы хъᴂууон хᴂдзарадон куыствᴂткон колледжы ацыд фᴂсивᴂды ᴂмᴂ сывᴂллᴂтты национ театрты муниципалон фестиваль "Амыраны рухс". Ацы фестиваль саразыныл бацархайдтой фᴂсивᴂды хъуыддᴂгты фᴂдыл комитет ᴂмᴂ фᴂсивᴂдон театр "Амыран". Организацион функцитᴂ сᴂххᴂст кодта ᴁрыдоны бынᴂттон хиуынаффᴂйады администрацийы спорты ᴂмᴂ фᴂсивᴂды хъуыддᴂгты фарстаты хайад.
Муниципалон къᴂпхᴂны сᴂ курдиат раргом кодтой колледжы студенттᴂ, нᴂ районы культурᴂйы хᴂдзᴂртты театралон студитᴂ ᴂмᴂ театруарзаг фᴂсивᴂдон къордтᴂ - скъоладзаутᴂ.
Архайдтой фестивалы хᴂдахуыр ᴂрыгон артисттᴂ, ᴂдᴂппᴂтᴂй сᴂдᴂ архайᴂгᴂй фылдᴂр.
Фестивалы архайджытᴂ сᴂ арᴂхстдзинад ᴂвдыстой 6 номинацийы:
- "Драмон спектакль";
- "Фольклорон театралон сᴂвᴂрд";
- "Ирон аргъау";
- "Аивадон бакаст";
- "Эстрадон сатирикон миниатюрᴂ";
- "Сфᴂлдыстадон эксперимент".
Фестивалы архайджытᴂн аргъ кодтой жюрийы уᴂнгтᴂ.
Жюрийы хатдзᴂгтᴂм гᴂсгᴂ:
Номинаци "Драмон спектакль"-ы уᴂлахиздзаутᴂ систы: Къостайы хъᴂуы скъола, Хъᴂдгᴂроны культурᴂйы хᴂдзар ᴂмᴂ ᴁрыдоны 1-ᴂм скъола.
Номинаци "Эстрадон сатирикон миниатюрᴂ"-йы 1 бынат райста Хъᴂдгᴂроны культурᴂйы хᴂдзар.
Номинаци "Фольклорон театралон сᴂвᴂрд"-ы та уᴂлахиздзаутᴂ систы Красногоры ᴂмᴂ Фыййаджыбылы культурᴂйы хᴂдзᴂрттᴂ.
Номинаци "Ирон аргъау"-ы уᴂлахиздзау сси ᴁрыдоны 1-ᴂм скъолайы.
Номинаци "Аивадон бакаст"-ы 1 бынᴂттᴂ райстой Тыджыты Миланᴂ (4-ᴂм скъолайы ахуырдзау); Беджызты Алинᴂ (Хъᴂдгᴂроны скъолайы ахуырдзау); Моурауты Казбек (Цᴂгат Кавказы хъᴂууон хᴂдзарадон куыствᴂтком колледжы студент) ᴂмᴂ Гᴂбуты Алан (1-ᴂм скъолайы ахуырдзау).
Фестивалы архайджытᴂ зᴂрдиагᴂй архайдтой сᴂ миддунейы ᴂнкъарᴂнтᴂ театрдзаутᴂм ᴂмᴂ жюрийы уᴂнгтᴂм бахᴂццᴂ кᴂныныл. Ацы фестивальмᴂ архайджытᴂ цᴂттᴂ кодтой рагацау ᴂмᴂ разᴂнгардᴂй. Алы артист дᴂр архайдта йᴂ алы эпизодыл. Сᴂ ирд костюмтᴂ цын ᴂххᴂст кодтой сᴂ сурᴂттᴂ. Архайджытᴂ цы спектакльтᴂ ᴂмᴂ театралон скъуыддзᴂгтᴂ равдыстой, уыдон иууылдᴂр уыдысты ирон ᴂвзагыл. Уᴂлахиздзаутᴂ архайдзысты Дзᴂуджыхъᴂуы республикон этапы.
